Limo misi om visi dilo’ nopo nga’ miagal sumusuhut:
PULITIK
Koponuridangan Iso Kotinanan Koporintaan Pogun Montok Monilombus Agenda MA63
* Warisan Plus mongintong MA63 sabaagi do ejen piisaan rayat Sabah dit efektif sabap ilo’ poinsanganu koinsanai rayat Sabah.
* Sinuhut miampai kinalantaiyon Warisan Plus do minanalasai 17 mantad 21 Ahal id Pibatosan Malaysia 1963 (MA63), Warisan Plus pikiikiro do monuridong iso’ Kotinanan Porinta’ Pogun Sabah i pikiikiro do popoindalan kopomuburuonan kiguno id kokomoi MA63 om ahal suai i kogompit miagal PDA 1974 om TSA 2012 Papagaras Pinggisaman Mongugad PATI id Pogun diti.
* Warisan Plus pikiikiro do monilombus pogiuhupan i haro mantad miampai kotinanan Pisompuruan miagal PDRM, Rela om Imigresen id saalom do monginggirot pinggisaman mongugad lumabus PATI id Sabah maya’ do mogisuusuai ponit Operasi miagal Op Nyah om Op Bersepadu Pentadbiran ‘Integriti, Setia Dan Merit’ Id Saalom Sistom Koponorinaan Porinta Pogun Sabah.
* Warisan Plus pikiikiro po nogi’ do popointutun sistom ‘integriti, setia dan merit’ om komited tokou montok do manahak kosiwatan kumaa di tongo’ upisor i ojujur, kisunduan om kikomilaan id saalom pinggisaman montok dati’ do mogowit Sabah kumaa pomurunan.
* Kogompitan tinimungan koonduan id saalom kopongigitan karaja’ takawas Koporintaan Pogun Sabah pikiikiro po nogi’ do ruhangan loolobi no id saalom do karaja’ bohogian kotorinaan.
IKONOMI
Korperasi om Kopogiuhupan Id Saalom Mongingkawas Gontob Ikonomi
* Otumbayaan Warisan Plus do Korperasi om Kopogiuhupan kaanu do mongingkawas gontob ikonomi rayat Sabah loolobi no id labus kakadaiyan om id timpu miagal, kaanu po nogi’ do monguhup do poposikap po nogi’ laang kopomurunan id Sabah.
* Warisan Plus pikiikiro do manahak kopomodulionan poinbida’ kumaa kapamaragatan Korperasi om kopogiuhupan id saalom ahal pamantauan, koposodiaan nosihat kotorinaan /koundangan om kapatahakan garan kumaa i kosudong.
Kopointutunan ‘Fast Track Special Permit’
* Warisan Plus nokopuriman do ogumu’ tupun Sabah i orohian do popoindalan pongindopuan tokoro’ nga’ kaantaban miagal aiso’ premis pongindopuan minogowit do ogumu’ tulun i amu’ pinoporojisto pongindopuan diolo’.
* Warisan Plus pikiikiro do mongingkuuri’ birokrasi kopomorojistoran pongindopuan miampai popointutun ‘fast track special permit’ id hombo mongungupalai milo do mongupalai lisin pongindopuan aiso’ premis pongindopuan miampai kooturan do id saalom sontoun, kiguno do mongingkawas gontob kopongidopuan diolo’ miampai pasanganu premis pongindopuan i oborulu.
* ‘Fast Track Special Permit’ diti kaanu do mongunsub kopomorojistoran pongindopuan, monimung data om nogi’ monginsanang kopotikidan kouhupan mikro kredit.
Popolipat-Ganda Pinggisaman Montok Mongimbayat Pelabur Labus om Suang
* Warisan Plus pikiikiro do popolipat pinggisaman maya’ MTI, SEDIA om Invest Sabah montok mogowit palabur do sumuang om malabur id pogun diti id saalom mogisuusuai kaganaan miagal kaganaan pomutanoman om kaganaan perlombongan i kaanu do poposodia’ kosiwatan karaja’ kumaa rayat Sabah.
* Kosuulon Warisan Warisan Plus nopo nga’ kiharo o toilaan dahai, kinawawayaan om joringan di tagayo id saalom kaganaan pomudagangan om poloburan antarabansa nung piagalon miampai parti suai.
* Pinggisaman diti sotopot do kosudong miampai hala tuju Koporintaan Warisan Plus montok poposili Sabah sabaagi do iso’ pogun Pomurunan om Kopomolobusan Takanon Poinbida Malaysia.
Reformasi Tana’
* Warisan Plus pikiikiro do monilombus reformasi tana’ miagal sumusuhut:
1.Kopomogazetan om kapatahakan lobi ogumu’ kopotutan tana’ i poinsanganu do rayat Sabah I aiso’ tana’ om kikosudangan.
2. Momporuntuk lobi ogumu’ dana om popotodos nosihat teknikal montok abaabayan prujik pomutanoman naamot id walai miiso’ miampai konsep.
‘Iso Watas Iso Daerah Satu Produk’.
3.Kinopongukaban hub-hub pomurunan om pomutanoman id potitikid watas montok papalantoi konsep ‘Iso Watas Iso Produk’.
SOSIOL
Kopoburuonan Kalalansanon Id Kogomutan
(UPPM/MPKK)
* Warisan Plus pikiikiro do popoburu’ po laang om tinonggungan UPPM om MPKK om skop karaja’ diolo’ po nogi’ nga’ maan pogoyoo’ miampai koponimungan data, kopotikidan kointalangan mantad koupisan om kotinanan pogun om monorina’ abaabayan kinopogirubaan id pogialatan di tongo’ upisor Porinta’ miampai tulun kampung.
Kad Ruputan om ‘Meet the People Session’
* Warisan Plus pikiikiro po nogi’ do popointutun sistom “Kad Ruputan ADUN” i kumoinsan id Malaysia id hombo koinsanai poruntukan ADUN i nabalanja’ pikiikiro do maan posuango’ rekod om pointalangon id potitikid insan id suang 6 tulan montok pomorisaan rayat Sabah.
* Warisan Plus pikiikiro po nogi’ do popointutun ‘Meet The People’ session (sesi rumuba’ rayat) id suang insan sombulan id hombo ADUN, UPPM om tupisor porinta’ pikiikiro do rumuba’ tongo’ mogiigiyon kampung montok mogibibinsang id kokomoi nunu nopo kobolingkahangan i koimbulai miagal modliyud, PATI, kopomosalahan jenayah om ogumu’ po suai.
Sipoot sabaagi do Ejen Piuludan
* Warisan Plus kikokomoi do sipoot nopo diti nga’ ejen montok piuludan i kiwaya’ om montok no dilo’, kopotundaan sipoot pikiikiro do patahakon ponodosan poinbida’ di Warisan Plus id hombo lobi ogumu’ poruntukan pikiikiro do maan posodiao’ montok koponuridangan kuut om padang montok sipoot id pitimungan miagal futsal, bola keranjang, mimbuul, ragbi, om suai-suai po id posoosorili’ pogun montok kagaaganapan komulakan id pogun diti.
Monginsonong om Mongingkawas Gontob Sistom Padsakaiyan Mogiigiyon Id Sabah
* Padsakaiyan mogiigiyon sotopot do iso’ laang pdsakaiyan poinbida’ montok tinimungan mololohing, OKU, suusumikul om yolo’ i kokopogogonuan tosiriba’ montok no dilo’ Warisan Plus pikiikiro do monginduran sistom padsakaiyan i nakalaid id pogun diti maya’ do mogipeperingkat kaampai no i koporomut kakadaiyan om kampung miagal do van moi do lobi koposimbayan om otingolig.
BALAJARAN
Abaabayan ‘Sikul Sabaagi Anak Angkat’ om ‘Sistom Kuota Biasiswa ADUN’
* Warisan Plus pikiikiro po nogi’ do popointutun abaabayan ‘Sikul Anak Angkat’ id saalom nayatan komponi korporat om poriwit montok manahak kosiwatan kumaa diolo’ montok do umampai id koponginsonongan koyuon sikul i nakalalaid id pogun diti.
* Warisan Plus pikiikiro po nogi’ do popointutun Sisitom Kuota Biasiswa ADUN i kumoiso’ id Malaysia montok manahak kosiwatan di tongo’ suusumikul i nangkalantoi loloobi no id labus kakadaiyan i amu kalantoi do kaanu biasiswa maya’ do kopongupalaiyan tomod do kaanu kosiwatan kumoduo.
KOLIDASAN
* Warisan Plus pikiikiro po nogi’ do manantu’ rayat Sabah do tumilombus no da do kaanu kotorinaan kolidasan di tosonong id hombo poruntukan i lobi agayo piiikiro do maan posoluro’ montok mongingkaws gontob koponorinaan kolidasan id posoosorili’ pogun naamot do manantu’ lobi ogumu’ dokutur pakar i pikiikiro do kaanu kumaraja’ id watas poimpisuk Sabah.
