Mantad DI MONUNUAT BORNEOTODAY
KIULU: Kapanahakan kad kointutunan tobulou kumaa modiidikot songkosuaiyan aiso kasagaan (PATI) id Sabah potimpuun mantad di toun 1991 asil operasi poinbida’ UMNO montok momoruhang tintob mongungundi diolo’ montok paparatu’ Parti Bersatu Sabah (PBS).
Prosidin UPKO, i Datuk Seri Wilfred Madius Tangau minoboros do, kointalangan nokomoi milo do onuon id saalom hansard Parlimen potimpuun di ko 26tw Koduo 2007 asil kaparangahan mogiigiyon Komitikuasa Poinbida Parlimen i nokorongou kointalangan puru’ UMNO kingaran do Jabar Khan.
Ka disio, minangakun i Jabar do ontok di toun 1991 iso kotinanan bertindak taskforce tinuridong do UMNO id Sabah i tinorikohon di Tan Sri Musa Aman (id kaantakan dilo Bendahari UMNO Sabah) montok paparatu’ PBS.
“Ingkuro laang do paparatu’ PBS nopo nga’ miampai momogompi’ PATI om taskforce diti tumanud di Jabar Khan ponorikohon dau i Musa Aman ontok di nopo nga i Bendahari UMNO Sabah om osorou ku do mimang kosudong do sumili Ponorikohon sabap soira do momogompi’ PATI momoguno do tuson om iri no Bendahari.
“Minoboros isio do taskforce diti nakalantoi do pinoposuang soginumu’ 82,000 PATI id saalom senarai mogungundi kinoosukan id saalom 30 watas DUN miampai laang manahak kad kointutunan tobulou kumaa diolo’,” ka disio.
Minoboros isio dilo’ id ababaayan Ramai Miampai Rayat id Kiulu di kosuab.
Minoboros i Madius do, kointalangan di Jabar do modus operandi i gunoon nopo nga’ potitikid PATI kiguno do moi id balai pulis montok momonsoi ruputan kaka gia do natagak kad kointutunan diolo’, pogulu do pinalabus JPN kad kointutunan montok diolo’.
Ka di Madius, kointalangan di Jabar do modus operandi i gunoon nopo nga’ potitikid PATI kiguno do moi id balai pulis montok momoruput kinatagakan kad kointutunan diolo’, pogulu do JPN poposoliwan kad kointutunan montok diolo’.
“Jabar Khan minoboros do poompus operasi taskforce diti soginumu’ 400,000 kad kointutunan tobulou tinahak kumaa PATI.
“Montok do popokito do koupisan diti totopot momonsoi karaja amu osonong diti minangakun isio sondiri id saalom kapangarangahan mogiigiyon dilo do sumonu’ toun 1996 ginambit isio id siriba Akta Kotingoligan Suang Pogun (ISA),” ka disio.
Kopiromut dilo’, ka di Madius minoboros, minadawa kaka gia do Parti Warisan Sabah (Warisan) nopo nga momogompi PATI sotopot do propaganda UMNO montok paparaat koporintaan i haro.
