Shafie minonoodo pisamanan miampai Buuan DAP, Amanah om bagas Bersatu

KOTA KINABALU:Iso pisamanan piahatan buuan takavas DAP om Amanah miampai Presiden Parti Warisan Sabah (Warisan)naazu id Kuala Lumpur di baino.

Pisamanan dino nosogu kiangkab miboos pisokodungan saviavi piahatan parti kopiondot koikatan pitoguvangan miampai Parti Perikatan Nasional (PN)id suang pitimbungakan Dewan Rakyat suvab.

Vookon di kotindapou , Puu Parlimen Jerlun, Datuk Seri Mukhriz Mahathir, Huguan Wira Warisan, Datuk Moh. Azis Jamman; Ponikoon DAP, Tan Kol Wai, Anthony Loke om Potunud Pilotian Amanah, Khalid Samad.

Naamot dino Khalid miaga di pinahabus do abal Malaysiakini minoboos, pisamanan dino naazu montok popogiot pihumaagan id suang tinimungan gugumaga miampai popotindooi pionitan tavasi id piahatan Pakatan Harapan (PH)om blok misosondi。

“Sumoomo tokou, mokiiho poguhudan dioho, poingkuo tokou kaanu tuutulus misokodung… montok papatantu gugumaga au mogitotongkizad,” ka di Puu Parlimen Shah Alam dino.

Ahal di pibaasan, ka di Khalid , kaampai no kokomoi lahan pongundian kokomoi ikoton undi au otumbazaan kumaa Huguan Montili Muhyiddin Yassin.

Tun Dr. Mahathir Mohamad sundung i do ingkaa au nokotindapou id suang pisamanan dono.

Polosiden PKR, Datuk Seri Anwar Ibrahim nga au nogi nokotindapou.