Gandingan Koburu’ Calun Wagu om Laid UPKO

KOTA KINABALU: Gandingan calun rabas wagu om laid montok parti Kotinanan Kinabalu Progresif Bersatu (UPKO) sotopot do gobungan koburu’ montok monguhup kalantaiyon Warisan Plus id saalom Pomilian Tagayo Pogun (PRN) Sabah ko-16, ontok ko 26tw Kosiam diti.

Timbang Prosidin UPKO, i Datuk Ewon Benedick minoboros do, koinsanai tongo’ calun UPKO i pinointutun sompoopori do haro kagarasan diolo’ sompopori montok mamagampot undi miampai mogisuusuai nawawayaan akademik.

“Otumbayaan oku di tongo’ calun komulakan UPKO kiharo pomusarahan wagu montok umampai do miiso’ id kopoburuonan watas sompopori om nogi’ Sabah id poimponu’,” ka disio katalib do Ramai Kinopoimpuunan Visi om Misi Warisan Plus om Kopointalangan Calun Warisan Plus PRN Sabah ko-16, doid Longkod Konvensyen Antarabansa Sabah (SICC), hiti di baino’.

Ewon i kakal po tumanding montok DUN N11 Kadamaian lumansan kumaa rayat Sabah do kaanu no da do momili’ tososonong om kapanahak sokodung di togirot kuminaa di tongo’ calun Warisan Plus montok manantu’ kopooputan kopotundaan id pogun diti.

GEORGINA GEORGE

Pinopointutun po nogi’ UPKO songulun tondu’ i po nogi’ Kumoduo Monuunurat Tagayo, i Georgina L. George montok calun N38 Paginatan.

FELIX J SAANG

I Prosidin UPKO, Datuk Seri Panglima Wilfred Madius Tangau tumanding po nogi’ montok DUN N15 Kiulu, i Datuk Dr Lucas Umbul (N43 Kemabong), Monuunurat Tagayo i Nelson W. Angang (N33 Kuala Penyu) om Bendahari Tagayo, Datuk Dr Laurentius Nayan Ambu i po nogi’ bagas Potunud Koupisan Hidupan Liar Sabah nga’ tumanding po nogi’ montok DUN N39 Tambunan.

Pikiikiro po nogi’ do tumanding i Luguan Komulakan UPKO i Felix Joseph Saang montok DUN N47 Telupid, i Junsim Rumunzing (N2 Bengkoka); Padis Majingkin (N7 Tandek); Albert Aguir (N46 Nabawan), Dennis Tweening Rantau (N49 Labuk) om Benson Inggam (N 57 Kuamut).