DUN Sabah nozozop

DI RODELIO JUNJUN TAUCAN

KOTA KINABALU: Dewan Koundangan Pogun (DUN) Sabah nozozop tuminimpuun di baino.

Pinamazazapan dino pinoboos di Vozoon Montili, Datuk Seri Mohd. Shafie Apdal id suang pitimbungakan abal poimbida di kosuvab.

Minoboos isido, pamazazapan dino nopiokunan di Yang Dipertua Sabah, Tun Juhar Mahiruddin.

“Nokosoomo zou miampai di Tun di kosuvab om id savat kuasa Tun tumanud Koundangan Sabah nakaakun isido,” ka disido.

Kotontuan pamazazapan dino nakahantoi pinapaatu ponginaman magaau kuasa di bagas Vozoon Montili, Tan Sri Musa Aman i minamadawa kivaa majority touhan.

Songkoniab, Musa id suang pitimbungakan abal minamadawa nakaanu isido sokodung majority om monuidong polinta miampai piomungan kavavagu.

Suruhanjaya Pomihian (SPR) papatantu timpu pomihian pogun i popoompit do 73 tikoon DUN piagahon 60 tikoon ontok 2018.