Darell Papagabung Visi Jenifer om Terence Montok Kopotundaan Moyog

PENAMPANG: Calon Parti Warisan Sabah (Warisan) watas Lintuhun Koundangan Pogun (DUN) Moyog, i Datuk Darell Leiking pikiikiro do papagabung visi om misi disio miampai duo mongingigit tundikohonon DUN Moyog pogulu diti.

Ka di Darell, aspirasi i binuruan di Jenifer Lasimbang om Terrence Siambun pogulu diti pikiikiro do maan piomungo’ sumili do iso’ aspirasi Warisan id siriba’ DUN Moyog, Penampang om Kapayan.

“Maanku tilombuso nunu i nabatos di Terence soira do nakalantoi di toun 2013, nga’ iri po di kaala’ tu yahai no iso’ pembangkang id timpu di.

“Katalib dilo’, numaan tilombuso’ di Jenifer i nokoumbal po nogi’ do popoburu’ visio disio kumaa Moyog di Parti Warisan Sabah (Warisan) di pogulu diti.

“Sorouku nga milo i pigobungon dit koduo-duo aspirasi diolo om i doho, kumaa pitimungan Warisan Penampang, Kapayan om Moyog,” ka disio.

Minoboros isio dilo’ ontok notombian doid Ramai Santai Miampai Calun Kapayan om Calon Moyog doid Buhavan Square, Donggongon, baino’.

Naamot dilo’, Terence i po nogi’ Bendahari Agung Warisan minoboros do, rayat kiguno do manahak kaagu mandat kumaa di pikiikiro mobi rayat dilo’ montok monilombus palan montok kopotundaan Moyog om Penampang poinponu’.

“Sabap tu’ duo no toun, sorouku do korikot no timpu rayat do popoguli o mandat dilo’ kumaa dahai porinta’ Warisan montok manganu Sabah insan po kaagu om montok monilombus nunu i napalan pogulu diti montok Sabah kaampai no Penampang, Kapayan om sumusuhut,” ka disio.

Kopiromut dino, ka di Jenifer, tambalut siiso’ tinimungan diolo’ i Darell sotopot do songulun lalansanon dit kikomilaan, montok dilo’ tinimungan diolo’ pikiikiro do agaras kumaraja’ montok manantu’ kalantaiyon di Darell ontok ko 26tw Kosiam diti.

“Kumaraja’ yahai montok manantu’ kalantaiyon disio, oilaan dahai do kikomilaan isio, amu’ dahai pologoson.

“Manu yahai isio id Moyog tu isio dilo ogumu kotorinaan tosonong do maan pokitono, mogisokodung yahai om pikiikiro tokou do kokito iso’ kotigagan id Moyog,” ka disio.

Laang di Darell montok popiiso’ visi om misi miampai duo bagas ADUN Moyog dilo’ pikiiikiro do kopoburu’ palan montok kopotundaan id watas Moyog.